Проектот „Нашите права“ повторно започна по дваесет години пауза. Неговата цел е да ја поттикне културата на човекови и детски права преку развивање меѓусебно почитување, доверба и толеранција. Во првата работилница учествуваа наставници од пет основни училишта во Скопје, предводени од авторката на проектот Бланка Јамнишек и Љуан Имери. Проектот е финансиран од Министерството за надворешни и европски работи на Словенија и се спроведува во соработка со македонски и меѓународни институции.
